Матбуғатҡа яҙылыу барышында “Башҡортостан Республикаһы” Нәшриәт йорто быйыл да “Матбуғатҡа яҙыл һәм бүләк от!” республика акцияһы иғлан итә. “Хәйбулла хәбәрҙәре” гәзитенә һәм тағы ла республиканың бер баҫмаһына яҙылып, квитанцияларҙы Нәшриәт йортона ебәреүселәр араһында телевизор, ноутбук, ҡар таҙартҡыс машина, һыуытҡыс камера, робот-пылесос һәм башҡа бүләктәр уйнатыла. Еңеүселәрҙе билдәләү тура эфирҙа Башҡортостан юлдаш телеканалында үтәсәк. Квитанцияларҙың күсермәһен һәм башҡа мәғлүмәттәрҙе 2025 йылдың 15 ғинуарына тиклем https://podpiska.rbsmi.ru/add.html сайтында тултырырға кәрәк. Иғтибар итегеҙ: бүләк отоштарында ҡатнашыу өсөн гәзит-журналдарға кәмендә алты айға яҙылыу мотлаҡ!
Хәтерегеҙгә төшөрәбеҙ, Бәләкәй Арыҫланғол ауылынан Рәйсә Ғәлиева "Хәйбулла хәбәрҙәре" гәзитенә яҙылып, ҡар таҙартҡыс машинаһын отҡайны. Быйыл Мәмбәт ауылынан Сәлимә Ҡарабаева робот-пылесос отоп бик ҡыуанды, ә быға тиклем хәйбуллалар ноутбук һәм планшетҡа эйә булды. Бәлки был юлы уңыш һеҙгә йылмайыр?
