Белемлеләр һәм оҫталар асыҡлана

“Һөнәрмәндәр” Бөтә Рәсәй чемпионатаның төбәк этабы “Йәштәр һәм балалар” милли проектының (нацпроект "Молодежь и дети") "Профессионалитет" федераль проекты сиктәрендә ойошторола. Был турала республиканың мәғариф министрлығынан хәбәр иттеләр. ‎

Быйыл конкурста үҙ оҫталыҡтарын урта һөнәри белем биреү системаһынан 750 студент һәм 210 мәктәп уҡыусыһы күрһәтә.  Ярыштар төп йәш категорияһында -  152, ә “Юниорҙар” категорияһында 42 компетенцияла үтә. ‎Чемпионаттың төбәк операторы – Башҡортостан Республикаһының һөнәри әҙерлек үҙәге. Һынауҙарҙы уҙғарыу эшенә республиканың 59 белем биреү ойошмаһы йәлеп ителгән. ‎Барлыҡ этаптарҙа ҡатнашыусыларҙы эксперт-остаздар оҙатып барҙы. Улар йәштәрҙең һәм үҫмерҙәрҙең һөнәри оҫталыҡ кимәлен һәм иҡтисадтың реаль секторында эшләргә әҙерлеген тикшерә.

Ярыштар13 февралдә тамамланасаҡ, ә еңеүселәрҙең һәм призерҙарҙың исемдәре “Торатау” Конгресс-холында бүләкләү тантанаһында иғлан ителәсәк.