Хәҙер фатир һатып алыу еңеләйә

Рәсәйҙәр хәҙер дәүләт хеҙмәттәре порталында төҙөлгән «Минең торлағым» сервисы ярҙамында фатир һатып ала йәки һата ала, тип хәбәр иттеләр Башҡортостан хөкүмәтендә.

Һанлы үҫеш министрлығы һәм Росреестр әҙерләгән сервис күсемһеҙ милек менән тиҙ һәм хәүефһеҙ килешеүҙәр уҙғарырға, контрагенттар, иғландарҙың интернет-агрегаторҙары, төҙөүселәр, банктар һәм дәүләт органдары араһында үҙ-ара эш итеүҙе яйға һалырға мөмкинлек бирергә тейеш.

Үҙ сиратында, халыҡ торлаҡ һатыу тураһында иғландар порталында урынлаштыра һәм дәүләт күсемһеҙ милек реестрынан мәғлүмәттәр менән уға хоҡуҡтарын шунда уҡ раҫлай ала. Һатып алыусыларға  күсемһеҙ милектә кемдәр теркәлгән, торлаҡ-коммуналь хужалыҡ буйынса бурыстары бармы-юҡмы икәнлеген тиҙ арала тикшерергә мөмкинлек бирелә.

Һатыусы һәм һатып алыусы килешеүҙе онлайн режимында төҙөй ала. Һатып алыу-һатыу килешеүе квалификациялы электрон ҡултамға менән раҫлана.

Сервис Рәсәй президенты Владимир Путиндың ҡушыуы буйынса әҙерләнгән «Һанлы иҡтисад» милли проекты сиктәрендә булдырыла. Күләмле проект тормоштоң бөтә өлкәләренә һанлы технологиялар индереүҙе һәм ҡулланыусылар өсөн мөмкин тиклем уңайлы мөхит булдырыуҙы күҙ уңында тота.

#миллипроект #нацпроекты #регпроекты #национальныепроекты #региональныепроекты