Районға 110 дана күсереп йөрөтмәле сүп-сар контейнерҙары ҡайтарылды

Муниципаль район хакимиәте башлығы Рөстәм Шәрипов “Бәйләнештә” төркөмөндәге  сәхифәһендә районда 153 контейнер майҙансығы булдырылыуы, 750-гә яҡын контейнерҙар ҡуйылыуы тураһында хәбәр итә.

“Ошо көндәрҙә районға 110 педал менән йөрөтмәле сүп-сар контейнеры ҡайтарылды. Уларҙың 80-не Аҡъярҙа ҡуйыла, ҡалған 30-ы Бүребайҙа. Улар софинанслау шарттарында “Ауыл территорияларын комплекслы үҫтереү” программаһы сиктәрендә алынды.  Аҡъяр ауыл Советы хакимиәте  сүп-сар бактарын йыйыу һәм урынлаштырыу эшен башланы. Йыл аҙағына тиклем тағы ла 36 контейнер алыу планлаштырыла.  Был эш тә,  шулай      уҡ  контейнер майҙансыҡтарын  төҙөкләндереү ҙә  дауам итәсәк”, --тип яҙа Рөстәм Шәрипов.

Мәғлүмәт һәм фото район хакимиәте башлығы Р.Шәриповтың сәхифәһенән алынды

https://vk.com/id516529973