Өлгөлө ветеран ихатаһы

Йәнтеш ауылында “Ветеран ихатаһына – хәстәрлек һәм иғтибар” район конкурсының йомғаҡлау этабы уҙҙы. Сара Әбеш, Ивановка, Аҡъюл һәм Атингән ауыл биләмәләре  ветерандарын берләштерҙе.

Сарала  конкурста ҡатнашыусылар үҙҙәренең хеҙмәт һөҙөмтәләрен, йәғни баҡсаларында үҫтерелгән йәшелсә-емештәрен, аллы-гөллө сәскәләрен, ҡайнатма-компоттарын, салаттарын, бешерелгән һәм һөт-ит ризыҡтарын, ҡул эштәрен тәҡдим итте.  Бәйгеселәрҙең береһенән-береһе матур күргәҙмәләре һоҡланып туя алмаҫлыҡ ине.

Сара аҙағында конкурсҡа йомғаҡ яһалды, ҡатнашыусыларға Рәхмәт хаттары һәм иҫтәлекле бүләктәр тапшырылды.