Май, июнь һәм июль айҙарында ғәжәп һауа торошо көтөлә

2026 йылдың йылы миҙгеле Башҡортостанда халыҡҡа бер нисә сюрприз бүләк итәсәк, уларҙың иң мөһиме — тотороҡло юғары температура. Яңыртылған фаразға ярашлы, алдағы айҙар климат нормаһынан йылыраҡ буласаҡ.

Мәҫәлән, метеорологтар иҫәпләүенсә, апрелдә республикала уртаса һауа температураһы ғәҙәти күрһәткестәрҙән 2 градусҡа юғарыраҡ буласаҡ. Шул уҡ ваҡытта яуым-төшөм норма сиктәрендә ҡаласаҡ.

Май ҙа йылылыҡ һөйөүселәрҙе ҡыуандыра. Термометр бағанаһы климат нормаһына яҡын йәки унан да юғарыраҡ билдәләрҙә торасаҡ. Хәтерегеҙгә төшөрәбеҙ, Башҡортостанда майҙа ғәҙәти температура +11-ҙән +14 градусҡа тиклем тәшкил итә. Ямғырҙар ғәҙәттәгесә яуасаҡ, әммә синоптиктар иҫкәртә: республиканың көньяҡ райондарында дым етешмәүе ихтимал, быны аграрийҙарға һәм дачниктарға иҫәпкә алырға кәрәк.

Июнь тенденцияны дауам итәсәк: температура йәнә норманан артасаҡ, ул беренсе йәйге айҙа +16,+19 градус тәшкил итә. Яуым-төшөм стандарт күләмдә, оҙайлы ямғырҙарһыҙ көтөлә.

Белгестәр әйтеүенсә, төп көтөлмәгән хәл июлдә көтә. Йәй уртаһы өсөн ғәҙәти күрһәткестәр (+17,+21 градус) ышаныслы арттырыласаҡ. Шулай итеп, был ай ысынлап та эҫе булырға вәғәҙә итә, тип билдәләй синоптиктар.

Фото: Әлиә Хужәхмәтова.