Аномаль йылы көслө һыуытыуға алмашына

Быйыл яҙ бигерәк иртә килде. Ләкин оҙайлы аномаль йылы көндәр тамамлана һәм һыуыта. Ямғырҙар башлана. Апрелгә һауа торошо тураһында синоптиктар хәбәр итте.

“Фобос” үҙәге мәғлүмәттәре буйынса, алдағы көндәрҙә республикала аяҙлы-болотло һауа торошо өҫтөнлөк итәсәк. Йәкшәмбелә беҙгә төньяҡ атлантик циклон киләсәк, ул үҙе менән ямғыр болоттары һәм беренсе порция һыуытыу килтерәсәк. Дүшәмбе, 6 апрелдә, көслө ямғыр яуыуы көтөлә.

Температура төшәсәк, беҙгә һалҡын фронталь система үтеп инә башлаясаҡ, ҡойма ямғырҙарға епшек ҡар өҫтәлергә һәм хатта тотороҡһоҙ ваҡытлыса ҡар япмаһы барлыҡҡа килергә мөмкин. Апрелдең икенсе декадаһында төнгө температура йәнә кире билдәләргә етәсәк, көндөҙ +1-ҙән +7 градусҡа тиклем.

Апрелдә температура фонының төрлөсә булыуы көтөлә. Яйлап йылыныу апрелдең өсөнсө декадаһында ғына башлана. Ай аҙағына тиклем төндә температура диапазоны +1-ҙән +8 градусҡа тиклем буласаҡ. Көндөҙ термометр бағанаһы +9-ҙан +16 градусҡа тиклем күтәреләсәк.

Фото: "Шедеврум" нейроселтәре ярҙамында булдырылды.