Яһалма интеллект – заман мөмкинлеге

Евразия фәнни-белем биреү үҙәгенең (НОЦ) Юғары уҡыу йорттары араһындағы Студенттар кампусының Геном үҙәгендә сираттағы лекторий үтте, унда республика колледждарының һәм юғары уҡыу йорттарынан 200-гә яҡын студенты йыйылды.

Һаҡлыҡ банкының Башҡортостан бүлексәһе хеҙмәткәрҙәре Айгөл Хәбибрахманова һәм Морат Хәсәнов «GigaChat: яһалма интеллект нигеҙҙәре һәм уны фәнни һәм мәғариф маҡсаттарында нисек файҙаланырға» темаһына сығыш яһаны.

Рәсәйҙә Фән һәм технологияларҙың ун йыллығына арналған сараларҙың маҡсаты –  йәштәр һәм фәнни берләшмәләрҙең алдынғы вәкилдәре араһындағы араны ҡыҫҡартыу. Осрашыуҙар циклы дауам итә, уның төп бурысы – «Фән эргәлә» федераль программаһы сиктәрендә заман ҡаҙаныштары асыҡлығын тәьмин итеү.

Осрашыуҙа ҡатнашыусыларға сәләмләү һүҙе менән БР Евразия фәнни-белем биреү үҙәгенең Идара итеүсе компанияһы директоры Наталия Латипова мөрәжәғәт итте.

Ул студенттарҙың һөнәри үҫеше өсөн ошондай форматтарҙың әһәмиәтен һыҙыҡ өҫтөнә алды.

Осрашыуҙың төп өлөшө яһалма интеллект мөмкинлектәренә арналды.

Спикерҙар теоретик аспекттарҙы ғына асып ҡалманы, ҡатнашыусылар өсөн практикум да үткәрҙе.

- Яһалма интеллект ысынбарлыҡтың бер өлөшө булып китте һәм көндәлек тәжрибәгә, айырыуса йәштәр араһында, әүҙем йоғонто яһай. Нейроселтәрҙәр менән эшләү тәжрибәһе эшкә урынлашыуҙа мөһим конкурентлыҡ өҫтөнлөгө булып тора, сөнки компаниялар йышыраҡ ИИ-ны һөҙөмтәле файҙалана алған белгестәр эҙләй. Нейроселтәрҙәр менән эшләү оҫталығы балалар өсөн уҡыуҙа ла, көндәлек тормошта ла файҙалы булыр тип ышанам, - тине Һаҡлыҡ банкыһының Башҡортостан бүлексәһе проекттары етәксеһе Айгөл Хәбибрахманова.

Фото: Евразия фәнни-белем биреү үҙәге.