+23 °С
Болотло
ЙӘМҒИӘТ
25 Ноябрь 2025, 06:49
2026 йылда республика халҡын туғыҙ ҡыҫҡа эш аҙнаһы көтә
2026 йылда Башҡортостанда туғыҙ ҡыҫҡа эш аҙнаһы көтөлә. Уларҙың етәүһе Рәсәй кимәлендәге байрамдар менән бәйле.
2026 йылда республика халҡын туғыҙ ҡыҫҡа эш аҙнаһы көтә
Февралдә Ватанды һаҡлаусылар көнө уңайынан 21-нән 23-өнә тиклем ял итәбеҙ. Артабан март айында ҡыҫҡа эш аҙнаһы, 10 марттан 13-өнә тиклем эшләйбеҙ, һуңынан апрелдә, май байрамдары алдынан, 27-һенән 30-ына ҡәҙәр, шулай уҡ 12 майҙан 15-енә һәм 8 июндән 11-енә тиклем эшләргә тура килә.
4 ноябрь һәм 31 декабрь – ял көндәре, шуға күрә ноябрҙә Рәсәйҙә эш аҙнаһы ике өлөшкә бүленә, ул дүрт көн генә була, ә декабрҙең һуңғы аҙнаһында өс көн эшләйбеҙ.
Шулай уҡ Башҡортостан халҡын йома, 20 мартта, Ураҙа байрамы уңайынан өҫтәмә ял көтә. Тимәк, эш аҙнаһы дүрт көн, 16 марттан 19-ына тиклем генә.
27 майҙа иһә Ҡорбан байрамы уңайынан өҫтәмә ял көнө, шуға эш аҙнаһы ике өлөшкә бүленеүе ихтимал.
