«Беренселәр хәрәкәте» һәм «Юнармия» етәкселәре менән осрашыу

Радий Хәбиров Башҡортостанда йәштәр сәйәсәтенә ҙур иғтибар бүлеүҙәре хаҡында һөйләне.

 - Минең өсөн йәш быуын менән эшләү – шәхси өҫтөнлөк, – тип билдәләне төбәк Башлығы. “Беренселәр хәрәкәте” һәм “Юнармия” - флагман проекттары. Беҙ төбәктә егеттәр һәм ҡыҙҙарҙы илһөйәрлек программаларына ылыҡтырырлыҡ мөхит булдырҙыҡ. Рәсәй Геройы Максим Серафимов исемендәге «Патриот» паркы төрлө тематик саралар ҡабул итергә әҙер – унда үҫмерҙәрҙе урынлаштырыу өсөн урындар һәм бөтә кәрәкле инфраструктура бар.

Владислав Головин республиканың ҡунаҡсыллығын һәм төбәк йәштәр сәйәсәтенең һөҙөмтәлелеген билдәләне.

- Бында балаларҙың ысынбарлыҡта ҡатнашыуын тәьмин итеүҙәре бик мөһим. Беҙ патриотик тәрбиәгә ҡыҙыҡһыныу күрәбеҙ. Өфөлә булған башланғыс осоу әҙерлеге менән мәктәп-интернат көслө тәьҫир ҡалдырҙы - уны тамамлағандан һуң күп балалар хәрби вуздарға уҡырға инә, - тип һыҙыҡ өҫтөнә алды «Юнармия»ның баш штабы начальнигы.  

«Беренселәр хәрәкәте» идараһы рәйесе урынбаҫары йәштәр проекттарына ярҙам иткәне һәм ведомство-ара эш итеүҙең юғары кимәле өсөн республика етәкселегенә рәхмәт белдерҙе.

– Башҡортостан - власть органдары һәм йәмәғәт структураларының яраштырылған эш өлгөһө. "Беренселәр хәрәкәте" ҙур потенциалға эйә, һәм беҙ берлектәге эштең тейешле йүнәлештә үҫешәсәгенә ышанабыҙ, - тине Ксения Янова.  

Осрашыу йомғаҡтары буйынса яҡтар патриотик тәрбиә биреү һәм йәштәр башланғыстарын тормошҡа ашырыу йәһәтенән үҙ-ара эш итеүҙе нығытырға һөйләшеп килеште.

Беҙҙең МАХ каналына https://max.ru/gazetabashkortostan ҡушылығыҙ.

Автор:Аклима Имамова