+23 °С
Болотло
ЙӘМҒИӘТ
6 Ноябрь 2025, 09:22
Сал тарихҡа тиң ғүмер
Яҙмыш һынауҙары алдында һынмаған, ниндәй генә ауырлыҡтар булыуға ҡарамаҫтан бирешмәгән, ғәрәсәтле йылдар дәүерен үткән тыл һәм хеҙмәт ветерандарыбыҙ тәрән ихтирам тойғоһо уята. Бөйөк Ватан һуғышының барлыҡ михнәттәрен үҙ иңендә татып, оло йәштә булыуҙарына ҡарамаҫтан, уларҙың шәп хәтерле, аң-зиһене теүәл, теремек булыуҙарына һоҡланаһың. Тормош нисек кенә ауыр булмаһын, киреһенсә, сыныға ғына бара уларҙың быуыны. Шундай оло быуын вәкилдәренең береһе Бүребай ауылында йәшәүсе хеҙмәт ветераны Вәлимә Сәлимйән ҡыҙы Атанова ошо көндәрҙә бер быуатҡа торошло ғүмер байрамын - 90 йәшен билдәләй. Дәшһәтле һуғыш осоро, унан һуңғы ауыр йылдар, аслыҡ-яланғаслыҡ, барыһын да үҙ иңендә татырға, үҙгәртеп ҡороу йылдарының шаһиты булырға тура килә уға.
Сал тарихҡа тиң ғүмер
Йәнтеш ауылында тыуған Вәлимә Сәлимйән ҡыҙына Бөйөк Ватан һуғышы башланғанда ни бары 6 йәш була. Атаһы беренселәрҙән булып һуғышҡа китә һәм башҡаса тыуған еренә, ғаиләһе янына әйләнеп ҡайтмай. Әсәһе Маһира Мирғәле ҡыҙына өс бала менән йәшәүе ҡырҡа ауырлаша һәм ул тыуған ауылы Аҡҡужаға күсеп ҡайта. Унда ла йәшәүе еңелдән булмай, Миңнур тигән ҡыҙы ҡаты ауырып үлеп китә. Башҡа балаларын һаҡлап ҡалыу, тормоштарын бер аҙ еңеләйтеү маҡсатында ғаилә көҙ айҙарында күрше Бүребай ауылына күсә. 10 йәшлек Вәлимә Бүребай мәктәбенә беренсе класҡа уҡырға бара. Хәмзә ҡустыһын балалар баҡсаһына урынлаштырып, әсәһе Бүребай тау комбинатына эшкә төшә. Йәшәүе бер аҙ еңелләшә төшә. Вәлимә Сәлимйән ҡыҙына уҡыу еңел бирелә, алдынғылар рәтендә була.
Тулыраҡ "Хәйбулла хәбәрҙәре" гәзитенең 43-сө һанында уҡығыҙ
