Айыу һарыҡтарҙы өҙгөсләгән

Әбйәлил районының Селивановка ауылында айыу бер кешенең ихатаһына үтеп ингән һәм 10 һарыҡты өҙгөсләгән.

Дәүләт ауыл биләмәһенең эштәр идарасыһы Зилә Шәғәлина әйтеүенсә, һарыҡтар хужаһы ул көндә кис этенең бына нимәләр өҙлөкһөҙ өргәнен ишеткән. Ир ишек алдына сығып, һарыҡ көтөүе торған баҡсаға киткән. Фонарҙы тоҡандырып ебәргәс, айыуҙың һарыҡтарҙы баҫтырып йөрөгәнен күргән. Ул ҡысҡыра башлаған. 1,5 метрлыҡ ҡойма аша һикереп, айыу ҡасҡан. Иртәнсәк ихата хужаһы айыуҙың 10 һарыҡты өҙгөсләгәнен асыҡлаған.

Һарыҡтарҙың ҡышҡылыҡҡа кәртәгә ябылып, ихата эсендә үк йыртҡыс хайуандарҙан зыян күреүе бигерәк тә аяныслы. Ҡасан айыу-бүреләрҙең малға тейеүенә юл ҡуйылыр...

Сығанаҡ: “Абзелил” гәзите.

Беҙҙең МАХ каналына https://max.ru/gazetabashkortostan ҡушылығыҙ!