Төркмәнстандан ҡайттым, егеттәргә һалма йәйҙем

Йыш ҡына кемдәргә ярҙам итәһегеҙ, йә булмаһа кемдәр ярҙам итә тигән һорау бирәләр.Беҙҙең был һорауҙарға бер яуап-беҙ үҙебеҙҙекеләрҙе ташламайбыҙ.

Изге эштең йәшелә юҡ, изге эш ҡылыу өсөн алыҫ аралар ҙа кәртә түгел.Изгелек һәр беребеҙҙең дә йөрәк түренән сығып эшләнә . Бөгөн беҙ оло рәхмәт һүҙебеҙҙе алыҫ Төркмәнстандан тыуған яғы Хәйбулла районына ҡунаҡҡа ҡайтыусы Рәзилә Досимова Ишбулдинаға еткерәбеҙ.Рәзилә апай сығышы менән Иләс ауылынан.Ошо көндәрҙә МХО-ға ылау юлланыуын ишетеү менән үҙ өлөшөн индереп , үҙ ҡулдары менән ҡамырын баҫып, изге теләктәрен теләп йәйелгән йәйемдәрен ҡырҡып егеттәребеҙгә милли ризығыбыҙ бишбармаҡ әҙерләне.

-"Төркмәнстанда тыныслыҡ.Әммә илем, яҡташтарым, уландарым хәүеф аҫтында булғанда, бөтә йөрәгем менән яҡташтарыма ҡушылып үҙ өлөшөмдө индерҙем",-- ти Рәзилә апай.
Теләгән теләктәребеҙ ҡабул булһын.Илебеҙгә тыныслыҡ ҡайтып, һәр бер көткән кеше үҙ яугирын, үҙ батырын тиҙ арала ҡаршы алырға насип итһен!