Сәлмәновтар ғаиләһендә етенсе сабый донъяға килгән!

Сибайҙа ишле ғаиләлә 7 бала тыуған. Башҡортостандың Юстиция эштәре буйынса дәүләт комитеты хәбәр итеүенсә, Ксения һәм Айҙар Сәлмәновтар 2014 йылдың 14 февралендә өйләнешкән, ә бөгөн ошо ҙур һәм татыу ғаиләлә 5 ул һәм 2 ҡыҙ үҫеп килә: Арсен, Алмас, Юлия, Илдар, Дания, Кәрим һәм Сәлмән.

«Өләсәйҙәребеҙ Галина Михайловна һәм Светлана Миҙхәт ҡыҙының ярҙамы ныҡ, әлбиттә, өлкәнерәк балалар Арсен, Алмас һәм Юлия ла ҡул араһына инде, улар ярҙам итмәһә, ҡыйыныраҡ булыр ине», — ти ғаилә башлығы Айҙар.

Бәхетле ғаиләгә Башҡортостан Дәүләт Йыйылышы депутаты Денис Назаровтан ата-әсәгә иҫтәлекле бүләк — фотоальбом һәм «Беҙҙең сабыйға» бүләк йыйылмаһы тапшырылды.