Һайлауға бөтә ғаилә менән барғандар

Бүребай ауылында йәшәүсе Туҡтағоловтарҙың ишле ғаиләһе бергәләп һайлау участкаһына килгәндәр. "Ғаиләбеҙҙә ҙур илебеҙҙең дүрт бәләкәй гражданы бар. Уларҙың киләсәге яҡты булһын өсөн Республика башлығы һайлауҙарына килдек һәм үҙ тауыштарыбыҙҙы бирҙек", - ти Туҡтағоловтар.

Хәтерегеҙгә төшөрәбеҙ, 6, 7 һәм 8 сентябрҙә район халҡы Башҡортостан Башлығын һәм Хәйбулла районы Советы депутаттарын һайлай. Был мәлдә һәр беребеҙ тыуған төйәгебеҙҙең киләсәгенә йоғонто яһай ала. Барығыҙҙы ла һайлау участкаларына килергә һәм гражданлыҡ бурысығыҙҙы үтәргә саҡырабыҙ. Хәйбулла районында 60 һайлау участкаһы 6, 7 һәм 8 сентябрҙә урындағы ваҡыт буйынса иртәнге 8:00 сәғәттән 20:00 сәғәткә тиклем эшләйәсәк. Әйткәндәй, районда йәмғеһе 21 меңдән ашыу кеше һайлау хоҡуғына эйә, шуларҙың 200 самаһы тәүге тапҡыр тауыш бирәсәк.