Махсус хәрби операция зонаһындағы туғаның менән нисек бәйләнешкә инергә?

Туғандары артыҡ борсолмаһын, ә хәрби хеҙмәткәргә рух ныҡлығын һаҡлап ҡалыу өсөн Махсус хәрби операция зонаһында яҡындарың менән бәйләнеште өҙмәү бик мөһим.

 «Рәсәй почтаһы» бәйләнештә ҡалырға ярҙам итәсәк. Түбәндәге адрес буйынса һалдатҡа хат һәм 10 килограмға тиклемге ауырлыҡта посылканы бушлай ебәрә алаһығыҙ: 103400, Мәскәү ҡалаһы - 400 һәм хәрби частың номеры.

 Хәрби хеҙмәткәр өйөнә үҙенең кеҫә телефоны аша йәки МХО зонаһындағы һөйләшеү пункттарының береһенән үҙе шылтырата ала. Шылтыратыу ваҡытын командир билдәләй.

 Хәрби хеҙмәткәр оҙаҡ ваҡыт бәйләнешкә сыҡмаһа, уның хәрби заданиела булыуы ихтимал. Был осраҡта туғаныңдың бәйләнешкә сығыуын көтөргә йәки Оборона министрлығының ҡыҙыу линияһына шылтыратырға кәрәк: 8 (800) 100-77-07, +7 (495) 498-43-54 һәм +7 (495) 498-34-46.

Шулай уҡ яугир комиссия үткән хәрби комиссариатҡа йәки ул беркетелгән хәрби часҡа мөрәжәғәт итергә мөмкин.

#Аңлатабыҙ_Башҡортостан