Лайыҡлылар билдәләнде һәм бүләкләнде!

БР Дәүләт Йыйылышы–Ҡоролтай депутаты, «Ватанды һаҡлаусылар» фонды филиалы етәксеһе, Башҡортостандың ҡатын-ҡыҙҙар йәмғиәте рәйесе Гөлнур Ҡолһарина  Аҡъярҙа Хәйбулла районы башҡорттары ҡоролтайының дөйөм йыйылышында ҡатнашты. Ул «Ватанды һаҡлаусылар» фондының  эшмәкәрлеге тураһында һөйләне һәм бер төркөм кешеләргә наградалар тапшырҙы.

Башҡорт халҡының рухи-мәҙәни ҡиммәттәрен һаҡлауға индергән өлөшө һәм Башҡортостан Республикаһында милләт-ара дуҫлыҡты нығытыу буйынса емешле эшмәкәрлеге өсөн «Рәсәй халыҡтары ассамблеяһы» дөйөм Рәсәй ижтимағи-дәүләт ойошмаһының Башҡортостан Республикаһы буйынса төбәк бүлексәһенең почет грамоталары менән бүләкләнделәр:

1. Илшат Вәкил улы Игебаев – шәхси эшҡыуар, Хәйбулла районы башҡорттары ҡоролтайы башҡарма комитеты ағзаһы.
2. Ғәлимйән Мөхәмәтғәле улы Ултыраҡов – Район мәҙәниәт йортонда түңәрәк етәксеһе.

Әүҙем гражданлыҡ позицияһы, башҡорт халҡының рухи-мәҙәни ҡиммәттәрен һаҡлауға һәм пропагандалауға индергән өлөшө өсөн, йәмғиәттә ҡатын-ҡыҙ статусын үҫтереү һәм уның ролен әүҙемләштереүе өсөн Башҡортостан Республикаһы «Башҡорт ҡатын-ҡыҙҙары йәмғиәте» төбәк йәмәғәт ойошмаһының почет грамоталары тәбрикләнделәр:

1. Алһыу Зиннур ҡыҙы Байғусҡарова – шәхси эшҡыуар, райондың күп социаль проекттарында әүҙем ҡатнашыусы.
2. Миңлегәүһәр Сәлих ҡыҙы Рәхмәтова – «Ағинәй» хәрәкәте ағзаһы, милли аш-һыу оҫтаһы, күргәҙмәләрҙә әүҙем ҡатнашыусы.