+25 °С
Облачно
ЙӘМҒИӘТ
19 Марта 2024, 09:48
Юлдашбаевтарҙың күркәм ғаиләһе
Хәйбулла районындағы Ғаилә хеҙмәте үҙенең авторлыҡ проектын булдырып, ай һайын матур ғаиләләр тураһында яҙма бирә. Был юлы улар 10 йыл элек никах ептәрен теркәгән Юлдашбаевтар тураһында яҙҙы.
Юлдашбаевтарҙың күркәм ғаиләһе
Ғаилә башлығы Марсель Әнүәр улы ғаиләһе өсөн өҙөлөп торған хәстәрлекле атай. Ул бик яуаплы, маҡсаттар ҡуйып йәшәгән, матур күңелле кеше. Магадан ҡалаһында эшләй. Ә Зөлфиә Рәүис ҡыҙы кондитер. Оҫта итеп бәлештәр, торт, десерттар әҙерләй. Ҡул эшенә лә маһир.
“Бала—Хоҙай биргән бүләк”,--ти Юлдашбаевтар. Уларҙың улдары Байрасҡа 9 йәш. 3-сө Аҡъяр мәктәбендә уҡыған малай ротототехника менән шөғөлләнә, матур йырлай һәм бейей. Буш ваҡытында дуҫтары менән футбол уйнарға ярата. Ҡыҙҙары Гөлдәниәгә 8 йәш. Ул да 3-сө Аҡъяр мәктәбендә белем ала. Гөлдәниә әсәһенең ярҙамсыһы. Өй эштәрендә ярҙам итә, бәләкәй һеңлеһен ҡараша, һүрәт төшөрөргә маһир. Бәләкәй Айлинаға 3 йәш. Бәләкәй генә тиһәң дә, бик үҙаллы, аҡыллы ҡыҙыҡай. Ул да һүрәт төшөрөргә, бейергә әүәҫ.
“Ғаилә традициялары һәйбәт күренеш ул”,--ти Зөлфиә Рәүис ҡыҙы. Юлдашбаевтар һәр ялды файҙалы үткәрергә тырыша Тауҙан шыуалар, фотосессия ойоштороп, тәбиғәттә ял итәләр.
Служба семьи в Хайбуллинском районе
