Башҡортостан балалары һәм үҫмерҙәре «Ватан һаҡсыһын һүрәтлә» бөтә Рәсәй акцияһында ҡатнашырға саҡырыла

Акцияла 3 йәштән 17 йәшкә тиклемге балалар ҡатнаша ала. Эштәр 2024 йылдың 5 февраленә тиклем «Ватан һаҡсылары» фондының республикалағы филиалындаӨфө ҡалаһы, Минһажев урамы, 107 адресы буйынса ҡабул ителә.

Эште шулай уҡ электрон почта аша ла ебәрергә мөмкин: konkursy.fond@mail.ru. Хатҡа конкурста ҡатнашыусының шәхси мәғлүмәттәрен эшкәртеүгә ата-әсәнең (законлы вәкилдәрҙең) ризалыҡ биргән ҡағыҙ сканын беркетегеҙ.

 Һүрәтте А4 форматындағы теләһә ниндәй материалда үҙегеҙ теләгән техникала төшөрөргә була. Конкурста ҡатнашыуға ғариза һәм ризалыҡ формалары күрһәтелгән һылтанма буйынса урынлаштырылған: vk.cc/cuari7.

Конкурс йомғаҡтары буйынса фонд филиалдарында, мәктәптәрҙә һәм китапханаларҙа һүрәттәр күргәҙмәләре ойоштороласаҡ. Һайлап алынған 1500-ҙән ашыу эш Еңеү Музейы өсөн әҙерләнгән коллажға инәсәк. Музейҙы 2024 йылдың февралендә еңеүселәрҙе бүләкләү тантанаһында асыу күҙаллана.

Хәтерегеҙгә төшөрәбеҙ, «Ватан һаҡсылары» фонды Рәсәй Президенты бойороғо менән ойошторолдо.

#Аңлатабыҙ_Башҡортостан