Яҙмышына зарланмай улар

40 йыл тормош һуҡмағынан бергә атлаған Тәнзилә Сәғәҙей ҡыҙы тормош иптәше Леонид Алексеевич менән Бүрәт Республикаһында йәшәгәндә таныша. Бер-береһен тәү күреүҙән оҡшатҡан мәҡәләм геройҙары ғаилә ҡороп, 19 йыл Бүрәт Республикаһы Закаменск ҡалаһында йәшәйҙәр. Өс ул тәрбиәләп үҫтерәләр.

• Юлбарыҫ ауылында тыуғанмын, Татыр-Үҙәктә йәшәнек, шунда урта белем алдым. Һеңлем Бүрәт Республикаһында йәшәй ине, шуның эргәһенә барғайным, үҙ йәремде осратып тороп ҡалдым. Балаларыбыҙ үҫеп, өлкәнәйә башлағас, тормош иптәшемде тыуған яғыма алып ҡайттым. Бер ҙә ҡаршы булманы. Атайым уға Лоҡман тип исем ҡушты. Урыҫ булһа ла мосолман динен ихтирам итә, беҙҙең менән бергә “Аллаһу әкбәр” итеп ултыра. Аятҡа саҡырһаҡ, уның да ата-әсәһенә уҡытабыҙ, - ти. Бүрәт Республикаһында тайга, урман бит. Шуға күрә Леонид яланға өйрәнә алмаҫмы икән тип уйлағайным. Өйрәнде, әле ауылда йәшәгәнебеҙгә 15 йылдан ашты. Башҡорт телен аңлай, һөйләшмәй генә,   -  ти Тәнзилә Сәғәҙей ҡыҙы.

Тәнзилә апай сауҙа өлкәһендә, ә Леонид Алексеевич оҙаҡ йылдар сәнғәт тармағында намыҫлы хеҙмәт итеп, һуңғы 18 йылда “Гай тау-байыҡтырыу комбинаты” йәмғиәтендә бульдозерҙа эшләп хаҡлы ялға сыҡҡан.

Самойловтар һәр атҡан таңға ҡыуанып, булғанына шөкөр итеп, риза булып йәшәй. 

Яҙмыш һынауҙарына бирешмәй, ғүмер һуҡмағынан ҡулға-ҡул тотоношоп  бергә атлаған көслө рухлы, иманлы Самойловтар ғаиләһе барыбыҙ өсөн дә өлгө булып тора.

Мәҡәлә тулыраҡ гәзитебеҙҙең 3-сө һанында.