Бөтә донъя башҡорттары ҡоролтайы 2024 йылды Йәштәр йылы тип иғлан итте

Бөтә донъя башҡорттары ҡоролтайы 2024 цылды Йәштәр йылы тип иғлан итте. Был хаҡта йома, рәсәй матбуғаты Көнөнә арналған тантаналы сарала, РФ Дәүләт Думаһы депутаты, Бөтә донъя башҡорттары ҡоролтайы президиумы рәйесе Эльвира Айытҡолова иғлан итте.

Бөтә донъя башҡорттары ҡоролтайының матбуғат хеҙмәтенән хәбәр итеүҙәренсә, бындай ҡарар 15 декабрҙә «Торатау» конгресс-холында Бөтә донъя башҡорттары ҡоролтайы иғлан иткән Башҡортостаннда Фән Һәм мәғариф йылына йомғаҡ яһау буйынса сарала ҡабул ителде. Исемле йыл сиктәрендә зона һәм район-ара комплекслы саралар үткәреү планлаштырыла. Йәштәрҙең ижади һәм профессиональ потенциалын асыуға айырыуса иғтибар бүленәсәк. «Айыҡ ауыл» проекты сиктәрендә айыҡ туйҙар үткәреләсәк. Милли спорт төрҙәре — йәштәр менән һөҙөмтәле хеҙмәттәшлек итәсәк йүнәлештәрҙең береһе.

—2024 йыл Рәсәйҙә Ғаилә йылы тип иғлан ителде. Был ғаилә ҡиммәттәрен яҡлауға һәм үҫтереүгә, ғаилә институтын нығытыуға һәм уның ижтимағи әһәмиәтен арттырыуға айырыуса иғтибар биреләсәк тигәнде аңлата. Был контекста йыл һайын уҙған йылдың декабрендә сираттағы старт бирелгән «Өлгөлө башҡорт ғаиләһе» асыҡ республика конкурсы айырыуса әһәмиәтле була. Йәштәр йылында йолаларҙы, ғаилә ҡиммәттәрен хөрмәт иткән һәм арттырған йәш ғаиләләргә айырым иғтибар биреләсәк, — тип аңлаттылар Бөтә донъя башҡорттары ҡоролтайында.

Бөтә донъя башҡорттары ҡоролтайының тематик йылдарҙы иғлан итеүе һәм планлы саралар үткәреүе йолаға әүерелде. Башҡорт тарихы йылында башҡорт ырыуҙары съездары башланды һәм 40-тан ашыу йыйын уҙғарылды. Мәҙәниәт йылы сиктәрендә «Ижади майҙан» саралары үткәрелә, унда ижади интеллигенция райондарға сыға һәм оҫталыҡ дәрестәре, семинарҙар үткәрә. Фән һәм мәғариф йылында «Фәнни майҙан» фәнни майҙансығы ойошторолдо. Бындай саралар урындағы халыҡты йәмәғәт һәм мәғрифәтселек эшенә йәлеп итеү йәһәтенән үҙен аҡлай.

фото:Башинформ.