Яңы йыл алдынан кескәйҙәргә мөғжизә бүләк иттеләр!

Яңы йыл - һәр йортта, һәр ғаиләлә көтөлгән иң яратҡан, изге күңелле, тылсым байрамы. Әммә бер кем дә яңы йыл мөғжизәһен, сихри үҙгәрештәрҙе һәм мажараларҙы социаль приют тәрбиәләнеүселәре кеүек ихлас көтмәй.

Хәйбулла районындағы балалар һәм үҫмерҙәр өсөн социаль приют бүлегендә яңы йыл иртәлеге үтте. Кескәйҙәр байрам мажаралары атмосфераһына сумып, ҡыҙыҡлы конкурстарҙа ҡатнашҡан.

Яҡынлашып килгән байрам менән ҡотлап, «Дозор» йәмғиәте, Бүребай тау-байыҡтырыу комбинаты, Аҡъяр балалар китапханаһы, Өфө ауылы мәктәбе уҡыусылары советы, эшҡыуар Юлдаш Бохарбаев, Рөстәм һәм Көнһылыу Сынбулатовтар ғаиләһе балаларға үҙ бүләктәрен тапшырған.

фото һәм мәғлүмәт:Хәйбулла районындағы балалар һәм үҫмерҙәр өсөн социаль приюты