"Айыҡ ауыл" конкурсының муниципаль этабы еңеүселәре - Оло Әбҽш ауылы халҡы әле махсус хәрби операцияла йөрөүсе ауылдашы, Илһам исемле яугирҙың урам яҡ ҡоймаларын яңыртып ҡуйғандар. Материалдар менән яугирҙың класташтары тәъмин итһә, өмәлә ауылдың егәрле ир-егеттәре ҡатнашҡан. Ауыл старостаһы Теүәлбаев Йыһанур, Ҡыҙрасов Йыһангир, ауыл муллаһы Дамир хәҙрәт, ауылдаштар Рауил Әминев, Руслан Ибраһимов һәм Иҙрис Шәкиров күмәкләп, һә тигәнсе атҡарып сыҡҡан был эште. Афарин, Әбеш ир-егеттәренә. Яуҙа йөрөгән батыр һис шикһеҙ ҡыуаныр, ҡанатланыр ауылдаштарынан был хәбәрҙе алып!