Алтын, гәүһәр туйҙар гөрләне!

Бөгөн ЗАГС-та 60, 50 йыл бергә ғүмер кисереүсе ғаилә парҙары тәбрикләнде.  Аҡъяр ауылынан Наил Шәрәфуллин һәм Фирҙәүес Нафиҡова, Урал һәм Флүрә Сынбулатовтар  60 йыл бергә татыу ғүмер итә. Ә  Салауат һәм Зимфира Таһировтар, Фәрит һәм Зөһрә Туғыҙбаевтар, Риф һәм Миңзифа Юнысовтар,   Хәйепйән һәм Мәрйәм Бохарбаевтар, Рәфҡәт һәм Таңһылыу Байбулатовтар, Миңлеғәлим һәм Менәүәрә Бохарбаевтар, Хафиз һәм Зөлфиә Мәмбәтовтар быйыл алтын туйҙарын билдәләне.

Юбилярҙарҙы ЗАГС начальнигы Заһира Биккинина, район хакимиәтенең эштәр идарасыһы Салауат Байсурин, Аҡъяр ауыл биләмәһе хакимиәте башлығы Азамат Баҡтыбаев ҡотлап, иҫтәлекле бүләктәр тапшырҙы.

Хөрмәтле алтын һәм гәүһәр туйҙарын билдәләүсе парҙар! Һеҙҙең ғаиләгеҙгә именлек, үҙегеҙгә ҡоростай ныҡлы һаулыҡ, балалар, ейән-ейәнсәрҙәр, бүлә-бүләсәрҙәр ҡыуанысында тағы ла оҙаҡ йылдар йәшәүегеҙҙе теләйбеҙ.

Тулыраҡ "Хәйбулла хәбәрҙәре" гәзитенең 48-се һанында уҡығыҙ.