116 кәләш һәм 6 кейәүҙең никахлашыу мәлендә 18 йәше тулмаған булған

Бөтә Рәсәй ғаилә, мөхәббәт һәм тоғролоҡ көнө алдынан Башстат Башҡортостанда никахтар һаны буйынса статистика баҫтырып сығарҙы. Мәҫәлән, 2022 йылда республикала 25 201 пар рәсми никахын теркәлгән. Ғәҙәттәгесә, төбәктә иң күп никахтар 20-34 йәштә төҙөлә. Өҫтәүенә былтыр беренсе никахҡа инеү өсөн ирҙәр өсөн 25-29 йәш, ә ҡатын-ҡыҙҙар өсөн 20-24 йәш яҡшыраҡ булған.

Ғәҙәттә, ҡыҙҙар егеттәрҙән күпкә алдараҡ ғаилә ҡора. 2022 йылда 116 кәләш һәм 6 кейәү никахлашыу мәленә бәлиғ булмаған. 779 кейәү һәм 483 кәләш 60 йәш сиген үтеп китә. 2022 йыл йомғаҡтары буйынса беренсе никахҡа инеүҙең уртаса йәше ҡатын-ҡыҙҙар өсөн 26,8 йәш һәм ир-егеттәр өсөн 28,9 йәш тәшкил итә.