Башҡортостан пенсионерҙары Ҡара диңгеҙ буйында ял итерме?

Уҙған аҙнала Башҡортостан Хөкүмәте делегацияһы Абхазияға эш сәфәре менән барҙы. Беҙҙекеләр абхаз коллегалары менән сәнәғәт, нефть химияһы, ауыл хужалығы, мәғариф, туризм өлкәләрендә килешеүҙәр төҙөнө. Шундайҙарҙың береһе - «Башҡорт оҙон ғүмерлелеге» проектын Абхазия менән берлектә тормошҡа ашырыу.

- Беҙ республика халҡына был матур илде асырға әҙер. Бында күркәм тәбиғәтте, диңгеҙҙе, байтаҡ уникаль тарихи объекттарҙы күрергә мөмкин. Был сәфәребеҙҙән һуң бер нисә программаға үҙгәрештәр индерәсәкбеҙ: мәктәп туризмына һәм «Башҡорт оҙон ғүмерлелеге» буйынса өлкәндәр өсөн туризмға. Был программаларҙа ҡатнашыусылар өсөн Абхазияла ял итеү мөмкинлеген асасаҡбыҙ, - тип яҙҙы үҙенең сәхифәһендә Башҡортостан Башлығы Радий Хәбиров.

Хәтерегеҙгә төшөрәбеҙ, ошондай уҡ килешеү Беларусь республикаһы менән төҙөлдө. Уға ярашлы, «Башҡорт-белорус оҙон ғүмерлелеге. Туризм» проекты әҙерләнде.

https://vk.com/bstnews

Яңылыҡтар - Башҡортостан юлдаш телевидениеһы