Ейәнсура районының Сәғит ауылынан 8 йәшлек Айсулпан Тоҡомбәтова вайндар төшөрөү менән мауыға. Роликтарының төп геройҙары - олатай, өләсәй һәм уларҙың ейәндәре, табип.
Икенсе класс уҡыусыһы бик килештереп уйнай. Артислыҡ һәләте уға ата-әсәһенән күскән. Атаһы ла, әсәһе лә - профессиональ музыкант.
Беҙ Айсулпанға "афарин" тибеҙ һәм ижади уңыштар, яңынан-яңы вайндары менән ҡыуандырыуын теләйбеҙ!