Хәйбулла халҡы батыр улы менән хушлашты. Ҡаһарман яҡташыбыҙҙы һуң юлға оҙатыуға арналған матәм сараһында БР Дәүләт Йыйылышы-Ҡоролтай депутаты С.Рәхмәтуллин, район хакимиәте башлығы Р.Шәрипов, Сибай ҡалаһы һәм Хәйбулла районы хәрби комиссары Р.Зәбиров, хәрбиҙәр һәм район халҡы ҡатнашты. Улар һалдаттың ата-әсәһенең, туғандарының тәрән ҡайғыһын уртаҡлашты, ярҙамдан айырмаясаҡтарын, Наил Ринат улының исемен мәңгеләштереү буйынса эштәр алып барыласағы тураһында белдерҙе.
Барлыҡ Хәйбулла халҡы исеменән Наил Ринат улының ата-әсәһенең, туғандары һәм яҡындарының ауыр ҡайғыларын уртаҡлашабыҙ.
Тыныс йоҡла, Наил! Ҡараңғы гүрҙәрең яҡты, ауыр тупрағың еңел, йәнең йәннәттә булһын.
