Мәҙинә Ғүмәрова күркәм юбилейын билдәләй

Мәҙинә Лоҡман ҡыҙының иң ҙур, ихлас һөйөүе - тыуған яғының тарихы, ул уны бәләкәйҙән үк  ҡыҙыҡһындырған һәм бына бер нисә тиҫтә йыл эсендә, бөртөкләп тарихи мәғлүмәттәрҙе, ата-бабаларҙың экспонаттарын һәм риүәйәттәрен йыйып, арыу-талыуҙы белмәгән тыуған яҡты өйрәнеүсе булып үҫкән. Уны шулай уҡ ауылдаштарының йәшәү рәүеше, шөғөлдәре, кейем-һалымы, йолалары, дини инаныуҙары ла ҡыҙыҡһындыра. Өфө ауылында Йомабай Иҫәнбаев исемендәге музей булдырыуға һәм уны үҫтереүгә Мәҙинә Лоҡман ҡыҙы ҙур өлөш индергән. Ул музейҙы төрлө мәғлүмәттәр менән байытты. Уның арыу-талыуҙы белмәҫ хеҙмәте ярҙамында этнография, тыуған төйәктең тарихы һәм бөгөнгөһө музей экспозицияларында сағылыш тапҡан.