10 йылға иҫәпләнгән биометрик сит ил паспорттары сығарыу туҡтатылды

10 йылға иҫәпләнгән сит ил паспорты алыуға документтар тапшырған булһағыҙ, артабан нимә эшләргә кәрәклеген Башҡортостан Республикаһының Күп функциялы үҙәге белгестәре аңлата

  Көтөргә - бөтә паспорттар рәсмиләштерелеп, әҙерлек кимәленә ҡарап биреләсәк.

  Тиҙ арала Рәсәйҙән ситкә сығырға кәрәк икән, миграция мәсьәләләре буйынса бүлеккә мөрәжәғәт итегеҙ. Ҡыҫҡа ваҡыт эсендә 5 йыллыҡ сит ил паспорты эшләп бирерҙәр. Биометрик паспорт өсөн дәүләт пошлинаһын кире ҡайтаралар, ә 5 йыллыҡ өсөн түләргә кәрәк була.

  Документтарығыҙҙы Дәүләт хеҙмәттәре аша тултырған булһағыҙ, ведомствонан яуап көтөгөҙ һәм күрһәтмә буйынса эш итегеҙ.

ℹ Паспорт эшләүҙе туҡтатыу сәбәбе нимәлә?

Биометрик сит ил паспорттары эшләүҙе туҡтатыу микросхемаларға һорауҙың ҙур булыуына бәйле.

Ошондай паспорттар етештереүҙе тергеҙеү һәм булған ихтыяжды ҡәнәғәтләндереү өсөн «Микрон» акционерҙар йәмғиәтенең микросхемалар етештереүсеһе ҡорамалдарҙы яңынан көйләй һәм технологик процестарҙы ҡулайлаштыра.

Яҡынса иҫәпләүҙәр буйынса, ошо эштәр тамамланғас, сит ил паспорттары етештереү бер ай эсендә тергеҙеләсәк.

💡 Тағы нимә белеү мотлаҡ?

5 йылға иҫәпләнгән сит ил паспортын Башҡортостан Республикаһы Күп функциялы үҙәгенең барлыҡ офистары аша юлларға мөмкин. Адрестары - күрһәтелгән сайтта: https://mfcrb.ru/?page_id=4014

#Аңлатабыҙ_Башҡортостан