Вәзәмдәр махсус хәрби операцияла ҡатнашҡан егеттәргә ҡулдарынан килгән тиклем ярҙам итергә тырыша

Бәләкәй Арыҫланғолдар   махсус хәрби операцияла ҡатнашҡан егеттәрҙең хәлен интернет селтәре аша күҙәтеп бара, улар өсөн хафалана, ҡулдарынан килгән тиклем ярҙам итергә тырыша. Йылы ойоҡбаштар, аҡса йыйыуҙа әүҙем ҡатнаштылар вәзәмдәр.
Әле килеп улар һалдаттарға һарыҡ йөнөнән түшәктәр эшләргә тотондо. "Үҙҙәре менән алып йөрөрга еңел дә һәм шул уҡ ваҡытта йылы ла буласаҡ бындай түшәктәр",- ти вәзәмдәр. "Өшөмәһендәр, бәлә-ҡазаларҙан һаҡлаһын, хоҙай көс, сабырлыҡ бирһен"- тигән теләктәр менән баҫты ҡатын-ҡыҙҙар был түшәктәрҙе. Афарин!

Сығанаҡ: район хакимиәте.