Ҡайҙа башҡорт – шунда ҡурай!

Доставалов исемендәге башҡорт батальоны яугиры үҙ ҡулдары менән ҡурай яһаған һәм хеҙмәттәштәренең һорауы буйынса «Гөлнәзирә» көйөн башҡарған. Усаҡ янында ҡурай моңо менән һуғарылған видео башҡорт батальонының социаль селтәрҙәрендә баҫылған.

«Әсәләмәғәләйкүм. Илеш районына сәләм. Бына егеттәр баҫып тора, улар ҡурайҙа уйнауҙы һораны», - ти башҡарыусы кадрҙа.

Бынан алда Миңлеғәле Шайморатов исемендәге башҡорт батальоны яугирҙарының бронялы «Урал» алыуы тураһында хәбәр иткәйнек. Махсус техниканы «Башнефтегеофизика» предприятиеһы  әҙерләгән. Ошо көндәрҙә Башҡортостандан Салауат Юлаев исемендәге өсөнсө ирекле батальон хәрби әҙерлек урынына юлланды.