Радий Хәбиров: Яңы йыл байрамы була, балаларға айырым иғтибар бүлергә кәрәк

Дүшәмбе хөкүмәттең оператив кәңәшмәһендә Башҡортостан Башлығы Радий Хәбиров яңы йыл байрамдары осоронда балаларға айырым иғтибар бүлергә кәрәклеген белдерҙе.

- Балаларға айырым иғтибар биреү мөһим. Яңы йыл саралары һәм бүләктәр бер нисә тапҡырға арттырылырға тейеш. Мобилизацияланған ир-егеттәр күп, бында уларҙың балалары ҡалды – уларға айырым иғтибар күрһәтербеҙ, – тине республика етәксеһе.

Радий Хәбиров әйтеүенсә, Яңы йылға бер ниндәй ҙә яңылыҡ индерергә, һатып алырға кәрәкмәй, ләкин тауҙар стандарттарға тап килергә тейеш.

- Быға тиклем булған тауҙар сертификацияға тап килмәй, бының өсөн аҡса өҫтәргә кәрәк. Был ҙур аҡса түгел – балалар тауҙары өсөн тотоноғоҙ. Ә бына төрлө төҫлө, архитектура яҡтыртҡыстары менән ашыҡмай тороғоҙ. Яңы йыл шыршылары булырға тейеш. Әммә уҙған йылдарҙа башҡара алғанды быйыл эшләмәйбеҙ, – тип һүҙен йомғаҡланы республика етәксеһе.

https://www.bashinform.ru/news/social/2022-11-07/glava-bashkirii-novyy-god-nikto-ne-otmenyaet-detyam-nado-udelit-osoboe-vnimanie-3018713

Фото:«Башинформ» мәғлүмәт агентлығы архивы.