+23 °С
Болотло
ЙӘМҒИӘТ
6 Октябрь 2022, 04:58
Һөйгәненә кейәүгә сығырға тәҡдим яһаған
Украиналағы махсус хәрби операция үткәреү урынынан ҡайтҡан Рәсәй гвардияһының махсус отряды яугирҙарының береһе һөйгәненә кейәүгә сығырға тәҡдим яһаған. Был хаҡта үҙенең телеграм-каналында Башҡортостан Хөкүмәте вице-премьеры Ирек Сәғитов хәбәр итә. «Бүләкләү сараһы барышында яугирҙәрҙең береһе майҙанға сығып, ҡыҙына кейәүгә сығырға тәҡдим яһаны. Был барыбыҙ өсөн дә бик тулҡынландырғыс булды. Был, ниндәй генә ауырлыҡҡа ҡарамаҫтан, тормош дауам итеүен раҫлай», - тип яҙа Ирек Сәғитов.
Һөйгәненә кейәүгә сығырға тәҡдим яһаған
Вице-премьер билдәләүенсә, Рәсәй гвардияһының махсус бүлексәләре хеҙмәткәрҙәре сыҙамлығы, абруйы менән һәр саҡ айырылып тора. Улар ҡуйылған бурыстарҙы һәр ваҡыт профессиональ, ҡыйыу һәм тәүәккәл үтәй, тип һыҙыҡ өҫтөнә алды Ирек Сәғитов.
«Әлбиттә, уларҙың ҡуйылған бурыстарҙы тулыһынса үтәп сығып, иҫән-һау әйләнеп ҡайтыуҙарына бик шатбыҙ. Беҙ уларҙың батырлығы, ҡаһарманлығы алдында баш эйәбеҙ. Бөтә республика улар менән ғорурлана. Уларға рух күтәренкелеге, уңыштар теләйбеҙ һәм яратҡан кешеләре уларҙы һәр саҡ өйҙә көтһөн. Әйткәндәй, ҡыҙ егеттең тәҡдименә ризалыҡ бирҙе. Йәштәрҙе ҡотлайбыҙ! Бәхетле булһындар!» - ти Ирек Сәғитов.
Фото: Т. АМАНОВ.
