Республика Хөкүмәте Премьер-министрының беренсе урынбаҫары Азат Шамил улы Бадранов ирекмән сифатында махсус хәрби операцияға китеү тураһында ғариза яҙған.
Республика Башлығы Радий Хәбиров был хаҡта интернеттағы шәхси битендә түбәндәге яҙма ҡалдырған.
“Мин уны хупланым. Азат менән хеҙмәттәштәр генә түгел, ә рухи йәһәттән дә яҡын кешеләр булыуыбыҙҙы бер ҡасан да йәшермәнем. Уның был аҙымы менән ғорурланам. Ысын ир-егеттәр шулай эшләргә тейеш, тип иҫәпләйем.
Әйткәндәй, был көндәрҙә башҡа чиновниктар ҙа тыныс, лайыҡлы ҡарар ҡабул итте һәм махсус операцияға мобилизация иҫәбендә йәки ирекмән булараҡ юлланды”, - тип яҙа Радий Фәрит улы.
Азат Шамил улына именлек һәм тыуған яҡҡа иҫән-һау йөрөп ҡайтыуын теләйбеҙ!
Фото: Радий Хәбировтың шәхси сәхифәһенән.