Баш ҡалала "Ретро-Гараж" музейы "Транспорт һәм төҙөлөш" конгресында уникаль автомобилдәр коллекцияһын тәҡдим итә

"Ретро - Гараж" музейы сағыштырмаса йәш. Бөгөнгө көндә музей экспонаттары ике ҡатта урынлашҡан, һәм был - 3 мең квадрат метрлыҡ майҙанды биләгән Башҡортостандағы иң ҙур музей. 18-22 сентябрҙә Башҡортостандың баш ҡалаһы «Транспорт һәм төҙөлөш» беренсе халыҡ-ара конгресында ҡатнашыусыларҙы һәм ҡунаҡтарҙы ҡабул итә. Был автомобилдәрҙең бер өлөшө урам экспозицияһында  - төрлө йылдарҙағы һәм сығарылған илдәрҙең 80-гә яҡын авто-мототехника экспонаты күрһәтеләсәк.

Музейҙың экскурсоводтары Татьяна Антонова һәм Ярослав Кислов яңы экспонаттарҙың көн һайын тиерлек килеүе хаҡында һөйләй. Музейҙа 200-ҙән ашыу ҡиммәтле экспонат - 127 автомобиль һәм 90 мотоцикл тәҡдим ителгән. Шулай уҡ ҡорал, хәрби форма һәм совет көнкүреше предметтары күрһәтелгән. Бөтә мотоциклдар һәм мопедтар - СССР, Чехия, Германия, Венгрия һәм Америка етештереүселәренең моделдәре.