Мортаза Рәхимовтың хәле нисек?

“Вся Уфа” телеканалы сайтында хәбәр итеүҙәренсә, Башҡортостандың беренсе Президенты Мортаза Рәхимов Республика һуғыш ветерандары клиник госпиталендә ята. 88 йәшлек сәйәсмәндең хәле тотороҡло, тип билдәләнә.

Республика һуғыш ветерандары клиник госпиталенең баш табибы Хәлил Мостафин әйтеүенсә, Мортаза Ғөбәйҙулла улы планға ярашлы тикшереү һәм диспансеризация үтә.

– Ул йыл да быны эшләй. Һаулыҡ торошо йәшенә тура килә, – тип белдергән баш табип.

– Мортаза Ғөбәйҙулла улы Рәхимов Республика һуғыш ветерандары клиник госпиталендә көндөҙгө стационарҙа диспансеризация һәм йыллыҡ профилактик күҙәтеү үтә. Уның хәле яҡшы. Ул госпиталгә һалынмаған, – тип хәбәр иткәндәр Башҡортостандың Һаулыҡ һаҡлау министрлығынан.

Мортаза Ғөбәйҙулла улына һаулыҡ һәм оҙон ғүмер теләйбеҙ.

Фото: delomir.ru.