Башгидрометүҙәк апрелгә һауа торошона фараз бирҙе

Башҡортостандың гидрометеорология һәм тирә-яҡ мөхитте күҙәтеү идаралығының Гидрометеорология етәксеһе Анна Козаева 5 апрелдә Өфө хакимиәтендә үткән оператив кәңәшмәлә апрелгә һауа торошо хаҡында һөйләне.

«Уртаса һауа температураһының 4-6 градус булыуы көтөлә, был норманан юғарыраҡ. Яуым-төшөм норманан күберәк. Ай дауамында тотороҡһоҙ һауа торошо фаразлана. Апрелдең тәүге декадаһында һауаның +5, +10, урыны менән +15, ә айҙың икенсе һәм өсөнсө декадаларында +10, +15, ҡайһы бер көндәрҙә +17, +22 градусҡаса йылыныуы ихтимал. Һауа массалары алмашынғанда ямғыр, урыны менән епшек ҡар яуыуы мөмкин»,  тип хәбәр итте Анна Козаева.  

https://www.bashinform.ru/news/social/2022-04-05/v-bashgidromettsentre-rasskazali-kakaya-pogoda-ozhidaet-zhiteley-respubliki-v-aprele-2756447

Фото:Ксения Калинина.