Үпкәсел булмағыҙ!

Асыу тотоу, үпкә һаҡлау кеше организмына ифрат насар йоғонто яһай икән. Кемгәлер рәнйеү, үткәндәге күңелһеҙлектәрҙе ҡат-ҡат хәтерләү нервылар системаһын көсөргәндереп, уны “ғәскәри әҙерлек” хәленә килтерә, йөрәк тибешен йышайта. АҠШ-тың Мичиган университеты ғалимдары, ошондай насар йоғонтонан тыш, дошманлыҡ һәм тынғыһыҙлыҡ тойғоһоноң иммун системаһын емереүен дә асыҡлаған. “Кешеләр күңелһеҙ ваҡиғаларҙы күрмәмешкә һалышырға тейеш түгел, - ти  доктор Уитвлет, әммә сәләмәтлеккә ныҡ зарарлы асыу, үпкә, дошманлыҡ һаҡлау хистәренән мөмкин тиклем тиҙерәк ҡотолорға тырышырға кәрәк”.

Сығанаҡ: "Башкортостан ҡыҙы" журналы.