+22 °С
Болотло
ЙӘМҒИӘТ
9 Март 2022, 15:21
Радий Хәбиров ЛНР-ға һәм ДНР-ға икенсе гуманитар ярҙам автоколоннаһын ойошторорға ҡушты
-
Радий Хәбиров ЛНР-ға һәм ДНР-ға икенсе гуманитар ярҙам автоколоннаһын ойошторорға ҡушты
Башҡортостан Башлығы Радий Хәбиров бөгөн хөкүмәттәге оператив кәңәшмәлә республиканың Донецк һәм Луганск халыҡ республикаларына гуманитар ярҙам йомғаҡтары тураһында хәбәр итте.
«4 мартта беҙ Донецк һәм Луганск халыҡ республикаларына гуманитар ярҙам ебәрҙек, бөтә ҡатнашыусыларға ла рәхмәт. Йөктө халыҡ бик йылы ҡаршы алды, рәхмәт әйтте», — тине Радий Хәбиров.
Шулай уҡ Башҡортостан Башлығы Донецкиҙа һәм Луганскиҙа йәшәүселәр өсөн икенсе ярҙам автоколоннаһын ойошторорға ҡушты.
«Беҙҙең Донецк һәм Луганск халыҡ республикалары менән мөнәсәбәттәрҙең яҡшы булыуын беләһегеҙ, беренсе конвой уңышлы барып етте, ул ҡайтҡас та икенсеһен әҙерләй башлағыҙ. Унда ихтыяж ҙур, тик уларға нимә кәрәклеген белергә кәрәк. Бер өлөшө — ДНР-ға, икенсеһе ЛНР-ға юллана. Генерал Миңлеғәле Шайморатов ерләнгән Красный Луч ҡалаһы менән мөнәсәбәттәребеҙ һәйбәт, шуға күрә быға иғтибар итеү мөһим», — тине Радий Хәбиров.
https://www.bashinform.ru/news/social/2022-03-09/radiy-habirov-poruchil-sformirovat-vtoruyu-avtokolonnu-gumanitarnoy-pomoschi-lnr-i-dnr-2719848
