Ғәҙәти булмаған Яңы йыл рекордтары

*
Бөтә бүләктәрҙе лә тиҙерәк таратып бөтөү өсөн Ҡыш бабай сыҙамлы ла булырға тейеш. Ә иң тиҙ һәм сыҙамлы тип инглиз кешеһе Пол Симонс табылған. Ул 2009 йылда 42 саҡрым 195 метрҙы Санта-Клаус костюмында 2 сәғәт тә 55 минутта һәм 50 секундта йүгереп үткән.
*
Күп йылдар Канада коллекционеры Жан-Ги Лакерр Санта-Клаус төшөрөлгән сувенирҙар йыя. Уның коллекцияһында 25 меңдән ашыу экспонат, шулар иҫәбендә 2 мең 360 статуэтка, 2 мең 846 открытка һәм 241 булавка бар.
*
Иң ҙур ҡыш бабайҙы АҠШ-тан Бетель ҡалаһының йәшәүселәре эшләгән. Уның оҙонлоғо – 37 метр. Был гигант ҡар ҡоролмаһына Олимпия тигән исем ҡушылған. Ул губернатор Олимпия Сноу хөрмәтенә шулай аталған.
*
Румыния уҡыусылары Ҡыш бабайға 10 көн буйына иң оҙон хат яҙып, донъя рекордын ҡуйған. Уның оҙонлоғо – 418 метр 30 сантиметр.
*
Ә донъялағы иң бәләкәй шыршы уйынсығын 2016 йылда Омсктан Анатолий Коненко эшләгән. Уның диаметры – бары 1 миллиметр ғына.
*
Иң ҡарт яһалма Яңы йыл шыршыһы Паркерҙар ғаиләһендә Англияла урынлашҡан. Уны 1886 йылда яһағандар, әле лә Яңы йылға, Раштыуа байрамдарына биҙәп торалар.

Фото: https://www.peoples.ru/champions/jean-guy_laquerre/.