Каринэ Хәбирова тыуған көнөнә сәскәләрҙән баш тартты

Башҡортостан башлығының хәләл ефете Каринэ Хәбирова 9 декабрҙә тыуған көнөн билдәләй. Бөгөн ул ошо уңайҙан сәскәләрҙән баш тартты. Ул үҙенең ғүмер байрамы хөрмәтенә гөлләмәләр өсөн тотонорға уйлаған аҡсаны Өфө хосписына күсереүҙәрен һораны. Был хаҡта ул Инстаграмда хәбәр итте.

«Тыуған көндә сәскә бүләк итәләр! Бөгөн иһә минең тыуған көнөм, ғәҙәттә, миңә бик күп сәскә ебәрәләр һәм бүләк итәләр! Күптәр миңә бүләк ителгән гөлләмәләрҙе дауаханаларға, кризис үҙәктәренә, табиптарға таратыуымды бигүк белеп бөтмәй. Быйыл Өфө хосписын сәскәләр менән ҡыуандырырға тәҡдим итәм», – тип яҙҙы Каринэ Хәбирова һәм гөлләмә өсөн тотонорға йыйынған сумманы хосписҡа күсерергә тәҡдим итте.

Әгәр теләгем бойомға ашһа, бәхетле булырмын һәм «өләшелгән шатлыҡ» тураһында отчет бирергә вәғәҙә итәм, тине Радий Хәбировтың хәләл ефете.

https://bash.bashinform.ru/news/social/2021-12-09/karine-h-birova-tyu-an-k-n-n-s-sk-l-r-n-bash-tartty-2613129