Аҡъяр ауылынан 91 йәшлек хеҙмәт ветераны Факил Хәкимовҡа “Аҡъяр ауыл биләмәһенең почетлы гражданы” исеме бирелде.
Факил Саҙрый улы райондың ауыл хужалығында етәксе вазифаларында оҙаҡ йылдар эшләй. Тармаҡ үҫешенә тос өлөш индерә.
Хеҙмәт ветераны фиҙаҡәр хеҙмәте өсөн “Почет билдәһе” ордены, хеҙмәт миҙалдары менән бүләкләнә. “Башҡортостандың атҡаҙанған ауыл хужалығы хеҙмәткәре” исемен йөрөтә.