16 ноябрҙән МФЦ-ла сертификат алырға мөмкин

16 ноябрҙән Башҡортостанда йәшәүселәр күп функциялы үҙәктә "Дәүләт хеҙмәттәре" порталында алдан теркәлмәйенсә яңы коронавирус инфекцияһына ҡаршы вакцинация тураһында сертификаттарҙы бушлай баҫтырып сығара ала. Шулай уҡ COVID-19 менән сирләгән һәм раҫланған диагнозы булған кешеләр ҙә сертификат һорап мөрәжәғәт итә ала. Хеҙмәт күрһәтеү республиканың күп функциялы үҙәгенең бөтә офистарында ойошторолған. 

"Дәүләт хеҙмәттәре "порталында теркәлмәгән  йәки сертификаттарҙы үҙаллы баҫтырып сығарырға йәки уны электрон төрҙә файҙалана алмаған граждандар өсөн уңайлы буласаҡ. Күп функциялы үҙәктә сертификат берҙән-бер данала  бирелә. ", - тине республиканың Күп функциялы үҙәге директоры Наталья Куприянова.

Күп функциялы үҙәк офисында сертификат алыу өсөн түбәндәге документтар кәрәк:

- паспорт,

- мотлаҡ медицина страховкаһы полисы,

- шәхси иҫәп номеры (СНИЛС).

Сертификат ябай яҙма формала төҙөлгән, законлы йәки вәкәләтле вәкил хоҡуғын раҫлаған икенсе кешегә лә тапшырыла. Инглиз телендәге сертификатты алыу өсөн ғариза биреүсенең шәхесен раҫлаусы сит ил паспорты булырға тейеш.