Еңел атлетика ярышы шәп үтте!

Республика көнөнә һәм райондың 95 йыллығына арналған еңел атлетика буйынса традицион ярыш уҙҙы.

Йүгеректәр ярышында Хәйбулла, Баймаҡ, Әбйәлил райондарынан һәм Сибай ҡалаһынан  200-гә яҡын спортсы ҡатнашты. Улар  Аҡъяр һыуһаҡлағысынан старт алып, “Уңыш” стадионына тиклем 5 саҡрым араны йүгереп үтте. Барыһы ла еңеү сәме менән финишҡа беренсе булып етергә тырышты.  

Ярыш һөҙөмтәләре буйынса  урындар  8 йәш категорияһында билдәләнде. Шулай итеп, 1-се урынды 10-13 йәшлек малайҙар араһында Рәфис Тазитдинов, 14-16 йәшлек егеттәр  араһында Руслан Байғужин, 17-25 йәшлектәр  -  Нияз Азаматов, 26-35 йәшлектәр – Илһам Таҡтаев, 36-45 йәшлектәр – Виталий Попов, 46-50 йәшлектәр – Радик Аҡманов, 55 йәш һәм унан өлкәндәр араһында Дамир Хәсәнов яуланы.

Ҡатын-ҡыҙҙар араһында 1-се урынды 10-13 йәшлектәр араһында Марина Мальцева, 14-16 йәшлектәр – Анна Терешкова, 17-25 йәшлектәр – Альбина Насирова, 26-35 йәшлектәр – Миңһылыу Юланова, 36-45 йәшлектәр – Гөлнур Зверева, 51-55 йәшлектәр – Флорида Ҡоҙабаева, 55 йәш һәм унан өлкәндәр араһында Гөлнур Усманова алды.

 Еңел атлетика буйынса ярыштың иң йәш ҡатнашыусыһы булып Аҡъяр ауылынан 6 йәшлек Ислам Мостафин, иң өлкәне булып Баймаҡ районынан килгән 68 йәшлек Алһыу Байегетова танылды.  

Еңел атлетикала ҡатнашҡан барлыҡ еңеүселәргә миҙалдар, грамоталар һәм иҫтәлекле бүләктәр тапшырылды.