Әлибайҙа көслө рухлылар ярышты

4 декабрҙә Әлибай ауылы клубында Халыҡ-ара инвалидтар көнөнә һәм оҙаҡ йылдар Өфө ауыл советы инвалидтар йәмғиәтенең беренсел ойошмаһы рәйесе булып эшләгән Марат Хөсәйен улы Алтынғужиндың яҡты иҫтәлегенә "Көслө рухлылар" спартакиадаһы уҙғарылылды. Сараны Өфө ауыл биләмәһе инвалидтар йәмғиәте, Өфө һәм Әлибай ауылдары клубтары ойошторҙо. Спонсор булып Өфө ауыл советы һәм Хәйбулла районы инвалидтар йәмғиәте сығыш яһаны.

Ярыштар дүрт спорт төрө буйынса үткәрелә: шашка, шахмат, корнхол һәм дартс. 7 команда ҡатнаша:Аҡъяр, Өфө, Һамар, Атингән, Яңы Ергән, Федоровка, Бүребай ауыл советтары.
Һәр төр буйынса грамоталар һәм иҫтәлекле бүләктәр менән бүләкләнгән еңеүселәр билдәләнә.

Спартакиада дуҫтарса шарттарҙа үтә.  Өфө ауыл биләмәһе хакимиәте башлығы Даян Кәримов ҡатнашыусыларҙы сәләмләне һәм ярыштарҙа уңыштар теләне, ә Хәйбулла районы инвалидтар йәмғиәте рәйесе Гөлсирә Хәкимова М. Х. Алтынғужин тураһында хәтирәләре менән уртаҡлашты һәм төрлө йылдарҙа ул ҡатнашҡан ярыштар тураһында һөйләне. Шулай уҡ Фатима Ҡоҙабаева тормош иптәше хаҡында хәтирәләре менән уртаҡлашты һәм сараны ойоштороусыларға рәхмәт белдерҙе. "Ағинәйҙәр" клубы етәксеһе Мәҙинә Ғүмәрова билдәләүенсә, был сараны Әлибай ауылында үткәреү юҡҡа түгел, сөнки ул Марат Хөсәйен улының тыуған төйәге булып тора. "Ағинәйҙәр" клубы, Фәтих Ҡашҡаров, Тәнзилә Сирбаева сараны үҙҙәренең сығыштары менән биҙәне.

фото һәм сығанаҡ: Өфө ауылы күп функциялы клубы