Бөгөн «Салауат Юлаев» клубы хоккейсыһын иҫкә алдылар

Бөгөн йәш хоккейсы Родион Әмировтың арабыҙҙан китеүенә бер йыл тулды. «Салауат Юлаев» клубы үҙенең тәрбиәләнеүсеһе хөрмәтләп иҫкә алды.

«Родион Әмиров сағыу, ыңғай ҡарашлы егет булды, уны барыһы ла яратты. Ул үҙенең исемен мәңгелеккә «Салауат Юлаев» тарихына яҙҙы. Уҡыусыбыҙҙың 27-се номеры әйләнештән сығарылды һәм мәңгелеккә уныҡы булып ҡалды. Беҙ һине хәтерләйбеҙ һәм яратабыҙ, Родион», — тиелә Өфө хоккей клубының яҙмаһында.

Иҫегеҙгә төшөрәбеҙ, Родион Әмиров 2023 йылдың 14 авгусында вафат булды. Һөжүмсегә баш мейеһе шеше диагнозы ҡуйылды. Сир медицина тикшереүе һәм башҡа йәрәхәттән дауаланыу ваҡытында асыҡланды. Спортсы Германияла дауаланыу үтте.

«Егет бик талантлы. Бик изге күңелле, асыҡ, көләс йөҙлө кеше ине. Уның мөмкинлектәре ҙур ине. Родион рух ныҡлығы өлгөһө булды... Шунда уҡ йәшәргә бик аҙ ҡалды, тип әйттеләр, әммә ул ике йыл бының менән көрәште», – ти «Салауат Юлаев» капитаны Григорий Панин.

Родион Әмиров «Торонто Мэйпл Лифс» (Канада) өсөн сығыш яһай. 2022 йылдың 14 октябрендә Торонтола «Торонто Мэйпл Лифс» һәм «Вашингтон» командалары араһындағы уйын алдынан Родион Әмировты команда ағзаһы булараҡ таныштырҙылар.

«Салауат Юлаев» хоккейсыһы Родион Әмировты оҙатыу тантанаһы «Өфө арена»ла үтте. Ул тыуған Ишембай районында ерләнде. Уның хөрмәтенә «Өфө аренаһы»нда баннер күтәрелде.

Иҫегеҙгә төшөрәбеҙ, «Салауат Юлаев» һөжүмсеһе Данил Алалыкин быйыл февраль айында «Лада» командаһына индергән сағыу голын Родион Әмиров иҫтәлегенә бағышланы.

Автор: Эдуард Ҡусҡарбәков

Фото:Валерий Шахов