«Рәсәй – спорт державаһы» форумында 400-ҙән ашыу ирекмән ҡатнашырға теләк белдергән

«Рәсәй – спорт державаһы» XII халыҡ-ара форумында ҡатнашыу өсөн 400-ҙән ашыу ирекмән ғариза биргән. Был турала республиканың спорт министры Руслан Хәбибов үҙенең социаль селтәрҙәрендә хәбәр итә.

Спорт форумы 2024 йылдың сентябрь-октябрь айҙарында Өфөлә ойошторола. Был сара тотош Башҡортостан спорт йәмәғәтселеге өсөн ысын мәғәнәһендә байрам булмаҡсы.

Форумда ҡатнашыу өсөн ирекмәндәр йыйыу дауам итә. Ғөмүмән, форумдың ирекмәндәр корпусына 500-ҙән ашыу ирекмән инә. Улар түбәндәге йүнәлештәр буйынса ярҙам күрһәтә:

• оҙатып йөрөүсе,
• аккредитация ирекмәне,
• ирекмәндәр координаторы,
• халыҡ ағымы координаторы,
• матбуғат хеҙмәте ирекмәне.

Ғаризаны dobro.ru сайтында ҡалдырырға һәм күләмле халыҡ-ара сараға ҡушылырға мөмкин.