Башҡортостанда ике миллиондан ашыу кеше даими рәүештә спорт менән шөғөлләнә, тип хәбәр итте республика хөкүмәте премьер-министры урынбаҫары Ирек Сәғитов үҙенең телеграм-каналында. Был иһә республика халҡының 59%.
«2030 йылға спорт менән даими шөғөлләнгән граждандарҙың өлөшөн 70% еткереү өҫтөндә эшләйбеҙ. Былтыр ғына республика бюджетынан ошо тармаҡҡа 7 миллиард һумдан ашыу аҡса бүленде», — тип яҙа Сәғитов.