Аҡъюл ауылында - күңелле сара

Бер байрам бар февралдә,
ҡәҙерле ул һәр кемгә.
Уны ҙур байрам тиеп,
Мөмкин хатта әйтергә.
Ул тыныслыҡ байрамы,
Уны һәр кеше белә.
Ватанды һаҡлаусылар,
Байрамы тип атала.
23 февраль - Ватанды һаҡлаусылар көнө!
Тыуған илде һаҡлау - изге бурыс!
Бөгөн Аҡъюл ауылы клубында ир-егеттәрөсөн "Ир - егет илгә ҡалҡан" тип аталған мәртәбәле байрам үтте.
Байрамдың беренсе өлөшөндә төрлө быуын ир-егеттәре араһында йәнле һөйләшеү, тормош тәжрибәһе менән уртаҡлашыу, йәш егеттәргә матур теләктәр әйтелде.
Байрамыбыҙҙың икенсе өлөшөндә төрлө уйындар, күңелле конкурстар үткәрелде.
Ир - егеттәрҙе сослоҡҡа, етеҙлеккә, зирәклеккә ,тапҡырлыҡҡа, батырлыҡҡа һәм тормоштоң төрлө һынауҙарына юғалып ҡалмаҫҡа ,әҙер тороуҙарын һынап ҡараныҡ.
Хөрмәтле ир - егеттәр һеҙҙе батырлыҡ һәм ҡаһарманлыҡ байрамы - Ватанды һаҡлаусылар көнө менән ысын йөрәктән ҡайнар ҡотлайбыҙ!
Беҙҙең башҡорт халҡы элек электән илдең терәге - ир - егет, ғаилә терәге - атай кеше тип һанаған һәм уларға оло ихтирам менән ҡараған.
Һеҙгә киләсәктә рух ныҡлығы, оло ихтирам, эшегеҙҙә уңышлыҡтар теләйбеҙ!
Аҡъюл хәкимиәте башлығы Игебаев Илнар Айҙар улына бүләктәр өсөн ҙур рәхмәт !